Ata kanë kërkuar që ky sulm të zbardhet sa më parë, ndërkaq thonë sulmi i mbrëmshëm ndaj Arbana Xharrës është i patolerueshëm dhe kryesit e këtij akti qyqar duhet të sillen sa më parë para drejtësisë.
Alternativa u bën thirrje organeve të rendit që të ndërmarrin të gjitha veprimet e nevojshme me prioritet të lartë dhe t’i sjellin para drejtësisë akterët e këtij akti kriminal.
“Kosova është në një fazë shumë të rëndësishme dhe kritike të shtetndërtimit, ndërsa akte të tilla të dhunës politike nuk i kontribuojnë një ambienti të sigurtë zgjedhor. Institucionet e rendit duhet t’i sigurojnë qytetarët e Kosovës për zhvillim të një procesi të lirë dhe demokratik zgjedhorë”, thuhet në reagimin e tyre.
Sipas tyre, mos zbardhja e këtij rasti ndjell frikë tek qytetarët dhe thellon mosbesueshmërinë ndaj organeve të ndjekjes, ndërsa subjekteve në garë zgjedhore u bëjmë thirrje që të tregojnë maturi politike dhe të mos e shfrytëzojnë rastin për poena politik.
