Dy vendkalimet ne hekurudhën e cila kalon nëpër qytetin e Ferizaj kanë mbetur pa barriera mbrojtëse.
Pas prishjes se barrierës në anën veriore në ditën e djeshme, sot në orët e mëngjesit është prishur edhe barriera në anën jugore (në rrugën Rexhep Bislimi”)
Edhe pse vendkalimi i parë gjendet përballë stacionit të policisë së Ferizajt , ndërsa tjetri, i cili sot është dëmtuar rreth orës 6:30,në momentin e prishjes në vendin e ngjarjes gjendej makina e policisë, deri në orët e mbrëmjes ende nuk është ndërmarrë asgjë nga askush.
U mbetet qytetarëve ferizajas që në të dy këto vendkalime të mos llogarisin në barrierë por të përcjellin shenjat e njoftimit (semaforët) për të mos ndodhur më e keqja.
