Dy persona janë arrestuar dje në Ferizaj, pasi që të njëjtit kanë lëshuar certifikata dhe diploma të ndryshme të cilat ishin të falsifikuara.
Gjatë kontrollit janë gjetur dhe janë konfiskuar 65 diploma, një vulë dhe një veturë me targa vendore, thuhet në raportin e policisë.
Gjatë kontrollit në bagazhin e veturës së konfiskuar janë gjetur mallra të ndryshme kryesisht kozmetikë, të cilave dyshohet se u është falsifikuar etiketa.
Me vendim të prokurorit të dyshuarit janë dërguar në mbajtje.
