Planifikimi për investimet në bujqësi por edhe strategjitë e ndryshme sektoriale në këtë fushë, nuk do të mund të ishin efektive pa pjesëmarrjen e drejtpërdrejt të bujqve e fermerëve ferizajas. Me këtë motiv, duke pranuar direkt nga bujqit dhe fermerët kërkesat që do të përfshihen në këtë strategji, sot u mbajt një takim i organizuar nga Drejtoria e Bujqësisë dhe Pylltarisë.
Në këtë takim ku pjesëmarrës ishte edhe drejtori i DBP-së, Burim Bajrami u diskutua gjerësisht mbi nevojat dhe kërkesat e bujqve si dhe përfshirjen e tyre në këtë strategji, me synimin që të investohet sipas tyre gjatë këtij viti. Po kështu drejtori Bajrami prezantoi edhe arritjet në këtë drejtori për vitin 2020 si dhe sfidat që u ballafaqua kjo drejtori vitin që shkoi.
