Drejtori i Urbanizmit të Ferizajt, Lulzim Aliu, i shoqëruar nga shefi i kabinetit të kryetarit Agim Aliu, Selim Marevci, sot kanë zhvilluar një takim me Drejtorin gjeneral të Planifikimit dhe Zhvillimit Urban z. Joni Baboci në Bashkinë e Tiranës.
Temë diskutimi e këtij takimi me z. Baboci ishte shkëmbimi i përvojave në kuadër të hartimit të Hartave Zonale dhe Planit Zhvillimorë në përgjithësi si akt themelorë për ndërtimin e një qyteti urban.
Pas këtij takimi ,drejtori Aliu tha se “Ishte një kënaqësi që të shohësh nga afër përvojat të cilat me sukses arritën të bëjnë ndryshimin urbanistik në Tiranë e që mund të zbatohen edhe në Ferizaj. Ishte një rast i mirë kur për këto projekte bashkëpunohet me një personalitet si z. Baboci, që shërben si shembull për një planifikim urbanistik të suksesshëm në të gjitha komunat shqiptare” ka thënë Aliu
Me këtë rast palët u dakorduan për një bashkëpunim të mëtutjeshëm në të mirë të urbanizmit të qytetit të Ferizajt.
