Drejtori i Drejtorisë së Bujqësisë dhe Pylltarisë, Burim Bajrami vizitoi dy fermere të Komunës së Ferizajt, përkatësisht zonjën Merita Jonuzi e cila është bletare dhe ka mbi 120 koshere bletësh si dhe zonjën Advije Berisha e cila është kultivuese e lajthisë, të dy këto biznese, të udhëhequra si biznese familjare.
Drejtori Bajrami i impresionuar me punën e fermereve Jonuzi dhe Berisha, tha se në kuadër të skemave mbështetëse të Drejtorisë së Bujqësisë dhe Pylltarisë, do të mbështeten këto dy fermere në zgjerimin e kapaciteteve për veprimtarinë e tyre.
