Derisa shteti turk është në proces të kthimit të dënimit me vdekje për përgjegjësit e grusht shtetit, toka për varrimin e puçistëve të vrarë është ndarë.
Kryetari i Bashkisë së Stambollit, Kadir Topbaş ka ndarë një parcelë për “varrezat e tradhtarëve”, për të cilën thotë se do të presë njerëzit e mallkuar të komplotit, transmeton Koha.net.
Viktimat e puçit, policë dhe civilë janë varrosur me nderime shtetërore, kurse ata nga ana e puçistëve kanë mbetur pa u varrosur ngaqë kryetari i qytetit Ordua nuk ka pranuar që ata të varrosen në tokën e atij qyteti.
Si rezultat i kësaj kryetari i Stambollit ka marrë këtë hap për ndarjen e tokës për “varrezat e tradhtarëve”, pasi një puçist është varrosur në oborrin e shtëpisë së tij nga pamundësia të varroset në varrezat e qytetit. I pari i Stambollit, gjithashtu, ka thënë se puçistët “nuk do t’i shpëtojnë ferrit”.
Nga Drejtoria e Çështjeve Fetare në Turqi është bërë e ditur se për puçistët nuk do të ketë shërbime fetare gjatë varrimit dhe nuk do të ketë emra në epitaf.
