Ferizaj.25.12.2016. Mbrëmë, në orët e vona është thyer një pikë e shitjes së Vala/Telekom në rrugën “Rexhep Bislimi” në Ferizaj
Këtë e ka konfirmuar edhe zëdhënësi i policisë Agim Gashi i cili tha për Ferizajpress se sipas informatave që janë siguruar nga ekipi i policisë në vendin e ngjarjes bëhet fjalë vetëm për dëmtim të lokalit por nuk ka shenja të ndonjë plaçkitje,
“Policia më të marr lajmin se është dëmtuar një pikë e shitjes së produkteve të Vala/Telekom ka dalë në vendin e ngjarjes. Ka kontaktuar edhe pronarët e kësaj pike ku në bashkëpunim me ta është vërtetuar se nuk bëhet fjalë për ndonjë plaçkitje por vetëm dëmtim të lokalit” ka thënë Gashi.
Sipas vlerësimeve të para llogaritet se dëmi që është shkaktuar kësaj pikë kap vlerën rreth 300 euro dhe për momentin nuk ka të dyshuar së kush janë dëmtuesit e kësaj prone.
Policia për këtë është duke vazhduar hetimet në gjetjen e shkaktarit të këtij dëmtimi.
