28,03,2024

Dardan Krivaqa sot s’foli para Prokurorisë: Ja arsyetimi i tij

Must Read

Dardan Krivaqa, i dyshuar për vrasjen e ish-partneres së tij 18-vjeçare, Marigona Osmani, ka shfrytëzuar të drejtën e tij për t’u mbrojtur në heshtje, gjatë marrjes në pyetje nga prokurori i rastit. Krivaqa ka pasur të deklarohej sot në orën 09:00 para prokurorit, por i njëjti ka thënë se nuk dëshiron të flas pa e parë raportin e autopsisë së ish-partnerës së tij, këtë e ka bërë të ditur për Gazetën Express, avokati i familjes së Marigona Osmanit, Gazmend Rexhepi.

Dardan Krivaqa, si në polici, si në gjykatë kur i është caktuar masa e paraburgimit ashtu edhe sot para prokurorit të çështjes është mbrojtur në heshtje, në prani të avokatit të tij.

Arsyetimi i tij për t’u mos u deklaruar, sipas avokatit të familjes së Marigona Osmanit, ka qenë se nuk dëshiron të flasë derisa ta sheh raportin e autopsisë.

“Sot ka pasur deklarimin Dardan Krivaqa në orën 09:00, por është mbrojtë në heshtje. Me arsyetimin se dëshiron me pa raportin e autopsisë”, tha avokati Gazmend Rexhepi për Gazetën Express.

Tutje avokati tha se përgjigja e prokurorit ishte se Krivaqa do të mund t’i shohë provat në fazat e mëvonshme.

Janë bërë disa ditë prej kur Instituti i Mjekësisë Ligjore e ka dorëzuar në prokurorinë kompetente raportin e autopsisë së Marigona Osmanit, e cila dyshohet se u vra pas dy ditësh keqtrajtimi mizor nga ish-partneri i saj Dardan Krivaqa dhe Arbër Sejdiu.

Express mëson se raportin e autopsisë nuk e ka parë akoma familja e Marigonës e as avokati i rastit, pasi kjo ka qenë kërkesë e prokurorisë që të mos dëmtohen hetimet, kërkesë kjo e pranuar nga familja dhe avokati.

Gjykata Themelore e Ferizajt, në shtator u ka vazhduar paraburgimin edhe për dy muaj Dardan Krivaqës dhe Arbër Sejdiut, konkretisht deri më datën 21 nëntor.

Krivaqa e Sejdiu akuzohen se më 22 gusht të këtij viti kanë privuar nga jeta 18-vjeçaren Marigona Osmani, ku më pas e kishin dërguar pa shenja jete në Spitalin e Ferizajt dhe ishin larguar.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img