Ditën e djeshme ka dalë nga burgu nipi i diktatorit Hoxha, Ermal Hoxha, i cili në korrik të vitit 2017 u dënua nga Gjykata e Krimeve të Rënda me 10 vite burgim me gjykim të shkurtuar, së bashku me anëtarët e tjerë të grupit ‘Xibraka’. Nga gjykimi i shkurtuar dënimi zbriti në 6 vite dhe 8 muaj burgim.
Ndonëse i kishte mbetur edhe një vit e muaj burg, ai u liruar me kusht që gjatë kësaj kohe të mos kryejë asnjë vepër penale dhe të mos shoqërohet me persona të inkriminuar.
Ermal Hoxha ishte arrestuar në vitin 2015 sëbashku me 10 persona të tjerë, mes tyre edhe 2 kolumbianë, pasi policia zbuloi një laborator droge, i pari i atij lloji në vendin tonë.
Lirimi i nipit të Hoxhës është njoftuar së pari nga bashkëshortja e tij, Rezarta Shkurta, e cila ka shpërndarë një video në Instagram.
Krah videos së Ermalit me vajzën e tyre, Rezarta shkruan:
Familja ime e vockel u bashkua🙏🏻
Faleminderit per cdo fjale e mbeshtetje qe kam ndjere nga ju , keto vite te veshtira… Uroj nga zemra per gjithsecilin nga ju, te gjitha urimet qe me keni dhene, tju kthehen ne bekime ne jetet tuaja❤”
Por, ky lirim i tij parakohe ka irrituar jo pak qytetarë, pasi sipas tyre drejtësia funksionon me dy standarde për njerëzit e thjeshtë dhe për “të famshmit”.
Madje disa prej skeptikëve dhe të irrituarve i kanë komentuar edhe Rezartës në postimin e saj për lirimin e bashkëshortit, por sipas tyre ajo i ka fshirë komentet e tilla dhe u ka dhënë bllok.
Një prej qytetarëve shprehet:
