Në galerinë e arteve në Ferizaj, sonte u hap ekspozita kolektive kushtuar 17 Shkurtit – Ditës së Pavarësisë së Kosovës.
Ekspozitën në fjale e ka vlerësuar tejet lart edhe udhëheqësi i Galerisë së arteve Skender Bedriu.
Ndërsa hapjen zyrtare të kësaj ekspozite e bëri drejtori i Drejtorisë së Kulturës, Rinisë dhe Sportit në Ferizaj, Naim Ferati. Ai me këtë rast ka theksuar se hapja e kësaj ekspozite është një ngjarje tejet e rëndësishme që po bëhet në prag të shënimit të nëntë vjetorit të Pavarësisë së Kosovës.
Ai ka thënë se ndarja e çmimit Gursel Sylejmani tashmë është bërë tradicional që 9 vite me radhe.
Ndërkaq, Pranvera Sylejmani e bija e dëshmorit Gursel Sylejmani, ka falënderuar të gjithë artistët që me punimet e tyre kanë kontribuar që kjo ekspozitë te jetë e një niveli të kënaqshëm. Ajo me këtë rast ka falënderuar edhe jurinë profesionale e cila ka bërë përzgjedhjen e 52 artistëve që punimet e tyre ti ekspozojnë në këtë ekspozitë.
Ndërkaq Suad Rama, fitues i çmimit “Gursel Sylejmani”, ka falënderuar të gjithë për përkrahjen e dhënë.
Jurinë profesionale për përzgjedhjen e punimeve e përbenin Fitim Avdyli-grafist Agon Qosa-suklptoe dhe Enver Selimi-piktor.
