Stuhi të forta dhe reshje shiu priten mbi këto rajone, e që në disa shtete mund të ketë edhe vërshime shkruajnë mediat e ballkanit, transmeton lajmi.net
Serbia do të jetë një nga rajonet më të prekura e që do jetë e vendosur në sektorin e ftohtë të ciklonit, ku bora dhe shiu pritet të jenë prezente sidomos në rajonet malore.
Një ciklon i fortë ka goditur Atlantikun dhe gjithë Francën që solli erë të fuqishme e që pati edhe dëme materiale. Stuhia dhe shiu vazhduan edhe në pjesën veriperëndimore të Spanjës, kurse qendra e cikonit ishte në jug të Islandës.
Edhe në Kosovë, Instituti Hidrometeorologjik dje ka njoftuar se gjatë javës priten intervale kohore me diell gjatë fillimit të javës, por edhe reshje shiu dhe bore në viset malore. /Lajmi.net/
