Kjo fundjavë ka treguar qartësisht se institucionet e Kosovës kanë karakter shtetrrënues, ka shkruar në llogarinë e tij në Facebook, nënkryetari i Lëvizjes Vetëvendosje, Driton Çaushi, njofton Klan Kosova.
“Dy presidentë, ajo e zarfit dhe ai i shantazhit, e një kabinet i tërë qeveritar të ngazëllyer mburren njëri pas tjetrit me humbjen e mbi 8000 hektarëve territor. Të lehtësuar tani, kur morën mbështetje nga një grup joprofesional ndërkombëtar, pas një ekskursioni të tij dy javor në Kosovë”, ka shkruar Çaushi.
Kurse “në anën tjetër, qeveria e Kosovës, e përfaqësuar denjësisht nga një zëvendëskryeministër e dy ministra, në veri të vendit, ia garantoi sot ndër të tjera Serbisë Trepçën e Ujmanin. Në emër të tyre foli hiq më pak se kryeministri i Serbisë, bashkëmendimtari i Sheshelit, Aleksandar Vuqiç”