Drejtori i Infrastrukturës në Ferizaj, Arbër Bytyqi sot ka përcjellë nga afër punimet e projektit “Bashkimi i Qytetit”
Me këtë rast ai ka deklaruar se është i kënaqur me zhvillimin e punimeve dhe dinamikën e punës që po bëhet për realizimin e këtij projekti.
“Sot gjatë ditës kisha kënaqësin ti përcjellë nga afër punimet në projektin “Bashkimi i Qytetit”, projekt që tashmë ka marrë formën dhe si projekti i vetëm në Kosovë i natyrës së tillë po realizohet me standarde dhe parametra ndërkombëtar” ka thënë Bytyqi.
Bytyqi ka bërë publike edhe disa foto nga pjesa e brendshme e nënkalimit, pjesës së deritashme, e cila në anën e sipërme sërish është hapur për komunikacion.
