Qeverisja e Komunës së Ferizajt, e kryesuar nga Kryetari Agim Aliu, pas dëgjimeve buxhetore me qytetarë ka hartuar edhe buxhetin për vitin 2026.
Kjo u bë e mundur pas angazhimit disa mujore, dëgjimeve buxhetore, inkuadrimit të buxhetimit me pjesëmarrje, në koordinim me Kryetarin e Komunës Agim Aliu, sot zyrtarisht nga Drejtorija e Financave është dorëzuar tek kryesuesi i Kuvendit Xhavit Zariqi, draftin e buxhetit komunal për vitin 2026, për procedim të mëtejmë.
Drafti i Buxhetit do të dërgohet për votim në mbledhjen e muajit shtator, por paraprakisht me organizim të Kuvendit të Komunës do të mbahen edhe një takim me qytetarë për të marrë sygjerimet e fundit në lidhje me këtë dokument tejet të rëndësishëm.
Ndër projektet kapitale në kuadër të këtij buxheti, janë përfshirë edhe një numër i konsiderueshëm i projekteve me shumë rëndësi për Komunën e Ferizajt.
Buxheti për vitin 2026 është 53,068,494.00 euro, ndërsa vetëm për investimet kapitale është 14,413,714.00 euro.
