Ghanem dha një intervistë për gazetën britanike Guardian nga shtëpia e familjes në Jeddah, Arabinë Saudite.
“Ne ishim jashtëzakonisht të mërzitur, nuk kisha dashur që të ndodhte ndonjë gjë e tillë.” U shpreh zonja Ghanem kur u pyet se si ndihej pasi mësoi se djali i saj ishte bërë militant xhihadist.
Ajo tha për të përditshmen britanike se djali i saj kishte qenë një fëmijë i trembur dhe “i mirë” por më pas i ishte “shpërlarë truri” në universitet.
Familja thotë se ata nuk e kishin parë Bin Ladenin prej vitit 1999, dy vjet përpara sulmeve, kur ai jetonte në Afganistan.
Nëna e kreut të al-Kaidës tha gjithashtu se organizimi i Vëllazërisë Myslimane, me të cilën djali i saj u përfshi gjatë studimit, ishte si një “kult”.
Deri në atë kohë ai u konsiderua si një i dyshuar i madh terrorist global, pasi u shpërngul në vend fillimisht për të luftuar forcat sovjetike pushtuese në vitet 1980, transmeton Klan Kosova.
