Gjatë ditës së sotme është asfaltuar segmenti i rrugës “Ramadan Rexhepi” nga rrethi i madh, përballë Spitalit të Ferizajt deri te kafiteria “Cosmo”
Tashmë kjo rrugë është bërë me lehtë e kalueshme dhe qarkullimi më i lehtë , rrugë e cila për shkak të lokacionit të Spitalit dhe Qendrës Kryesore Mjekësor ka një ngarkesë të madhe.
Këtë e ka bërë të ditur kryetari i Ferizajt Agim Aliu, përmes faqes së tij zyrtare, i cili edhe ka përcjellë nga afër punimet.
“Ferizaj çdo ditë i një pune të re, po ndryshon në çdo skaj. Edhe rruga “Ramadan Rexhepi” nga rrethrrotullimi i ri tek “Cosmo” e deri tek lidhja me Rrethin e Madh te Spitali – pjesë e “Bashkimit të Qytetit”, u asfaltua sot, për t’i dhënë tri korsi qarkullimit të qytetarëve, hapësira të reja të gjelbëruara, vendparkingje e lehtësi qarkullimi për urgjencat në këtë rrugë. Ta gëzojnë banorët, këtë pjesë tejet të frekuentuar, që po ndryshon rrënjësisht” ka shkruar Aliu
