Banorët në rrugën “Remzi Hoxha” kanë ra në hall me deponitë e egra të cilat po krijohen nga banorët e banesave të cilët përveç mbeturinave po hedhin edhe material ndërtimorë.
Kjo pjesë e cila gjendet prapa Qendrës së Mjekësisë Familjare në rrugën “Rexhep Bislimi” ka nxitur edhe reagimin e qytetarëve të cilët banojnë në këtë pjesë,e të cilët po fajësojnë banorët e këtyre ndërtesave të cilët gjuajnë mbeturinat nga katet e larta.
Por kjo si duket ka arritur kulmin kur tani aty po hedhet edhe mbetje te materialeve ndërtimore nga ata të cilët po rinovojnë banesat.
“Çka është më e keqja,nga hedhja e këtyre materialeve nga katet e larta ka pësuar edhe një qen i cili ka ditë që po qëndron aty dhe tani ka filluar ti vije edhe era q po krijon një ambient të padurueshëm” ka thënë një qytetar i kësaj rruge.
Këta banorë kanë bërë apel te kompania “Pastërtia” që të marr masa për largimin e kësaj deponie dhe qenit të ngordhur por edhe nga organet kompetente që të marrin masa ndaj qytetarëve të cilët për interesa personale dhe nga pakujdesi po u ndotin ambientin të gjithë banorëve në këtë pjesë.
