Fëmijët e fshatit Bibaj të Ferizajt gjatë tërë kohës kanë problem gjatë shkuarjes në shkollë për faktin se të gjithë duhet të kalojnë rrugën magjistrale pasi shkolla fillore gjendet në anën e Fshatit të Vjetër.
Edhe pse shpejtësi në vendbanime është e kufizuar dhe shenjat e komunikacionit që njoftojnë se afër është shkolla ekzistojnë shumë vozitës nuk i respektojnë ato.
Por edhe nxënësit nuk kishin ndonjë vend të caktuar apo të shënjuar se ku mund të kalonin rrugën në anën tjetër.
Për këtë disa banorë të fshatit Bibaj kanë marrë një aksion që të bëjnë vijat e bardha “zebrat” që simbolizojnë vendkalimin për këmbësorë. Se sa do të respektohen këto vija pritet të shihet në të ardhmen por një është pa se fëmijëve u ka pëlqyer kjo ide dhe kanë filluar që ta shfrytëzojnë këtë pjesë të dedikuar për ta.
Është kjo pjesë e rrugës ku jo rrallë kanë pësuar nxënësit e shkollës e ku ka pasur edhe raste me fatalitet.
Ndoshta kjo do të duhej të shërbente si një sinjal edhe për Ministrinë e Infrastrukturës që të mendoi edhe këtu për një nënkalim pasi të gjithë fëmijët e fshatit Bibaj duhet të kalojnë këtë rrugë për të kaluar në anën tjetër ku gjendet objekti i shkollës fillore.
Kështu dukej më parë
