Balton Dërguti si bartës i Listës së Iniciativës Qytetare “Ne Mundemi” në Ferizaj, ka liruar pozitën e asamblistit për kandidatin më të votuar të kësaj liste, Habib Krosa.
Dërguti thotë për Klan Kosova se këtë premtim e kishte dhënë para zgjedhjeve lokale të 17 tetorit dhe që tash po e dëshmon se fjala e dhënë duhet mbajtur.
Si ish-koordinator i Listës GUXO për Ferizaj, ai shton se nuk ka luftuar asnjëherë për pozitë por vetëm për parime.
Edhe Habib Krosa që përfitoi ulësen e këshilltarit komunal, është i lumtur nga ky vendim dhe sipas tij një shembull të tillë duhet ndjekur të gjitha subjektet politike.
