Në adresë të rrjetit të OJQ-ve AVONET, është drejtuar një bashkëatdhetar i yni i cili jeton në
Suedi, me këtë rast ai ka shfaqur pakënaqësi rreth një E-maili që i është drejtuar nga ana e
Lëvizjes Vetëvendosje, duke vlerësuar si shqetësuese dhe formë presioni ndaj tij kërkesën
për mjete financiare për realizimin e agjendave partiake, thuhet në një komunikatë lëshuar nga Rrjeti i OJQ-ve AVONET.
Me këtë rast ky bashkëatdhetar i yni ka kërkuar nga ana e AVONET-it të reagoj duke na
përcjellur në adresën tonë elektronike përmbajtjen e E-mailit- të e cila i është drejtuar
bashkëatdhetarëve tanë të cilët jetojnë e veprojnë në Suedi.
Ai ka shprehur shqetësimin e tij ndaj një kërkese të tillë me arsyetimin se në Suedi është e
ndaluar mënyra e grumbullimit të mjeteve financiare në këtë mënyrë se si na janë drejtuar
Lëvizja Vetëvendosje.
Ne si AVONET shprehim, shqetësimin dhe indinjatën tonë ndaj një kërkese të tillë e cila
nuk është se po ndodh për herë të parë nga ana e Lëvizjes Vetëvendosje, pasi që kërkesa
të tilla për mbështetje financiare në adresë të qytetarëve ka pasur edhe më herët pikërisht
nga i njëjti subjekt politik.
Tashmë Vetëvendosje, po njihet për këto mënyra financimi, derisa vazhdimisht thirret në atë
se nuk pranon fonde nga mënyra të tjera financimi, siç thotë se bëjnë partitë e tjera, andaj
për çfarë ju duhen ato para, për aktivitet politike apo ndonjë aktivitet tjetër? Siç dihet partitë
parlamentare e kanë të ndarë buxhetin financiar nga buxheti i Republikës së Kosovës, e që
marrin nga KQZ-ja.
Ne vlerësojmë se asnjë subjekt, politik përfshirë këtu edhe Vetëvendosjen nuk duhet të
adresojnë kërkesa të tilla ndaj qytetarëve, për interesa dhe qëllime të ngushta partiake apo
politike, dhe assesi të mos përdorin arsyetime të tilla, pasi që mënyra e financimit nuk duhet
të jetë barrë e qytetarëve por përgjegjësi e vetë politikës, dhe të mos përdoren edhe njëherë
strategji dhe arsyetime të tilla politike.
Më poshtë keni përmbajtjen e E-mailit të Lëvizjes Vetëvendosje drejtuar bashkëatdhetarëve
tanë:
