Avni Nuha është rizgjedhur kryetar i Federatës së Çiklizmit të Kosovës.
Në kuvendin e punës dhe zgjedhor që u mbajt në Prishtinë, Nuha nuk pati kundërkandidat, i cili nga 21 kuvendarë të pranishëm, 18 votuan pro tij, dy abstenuan dhe një ishte kundër.
Ai për katër vjetët e ardhshme do të jetë në krye të federatës me synime që të avancojë edhe më shumë këtë sport.
Nuha u zotua se do të punojë sa më shumë për të rritur nivelin, por edhe të marrin pjesë në garat e ndryshme ndërkombëtare.
Ndërkaq, është regjistruar edhe një klub i ri në FÇK. Është fjala për klubin nga Theranda, “MBT”.
