27,02,2024

Asfaltohet edhe rruga “Xhafer Deva”

Must Read

Komuna e Ferizajt, gjatë këtyre ditëve është në vlugun e realizmit të shumë projekteve infrastrukturore. Njëri ndër këta projekte, është edhe rregullimi dhe asfaltimi i rrugës “Xhafer Deva” në Ferizaj. Punimet në asfaltimin e kësaj rrugë nga afër sot i ka parë edhe numri një i qeverisë lokale të Ferizajt, Muharrem Svarqa, së bashku me drejtorin e Infrastrukturës, Gafurr Ilazin. Svarqa tha se ky projekt po realizohet në kuadër të investimeve që po bëhen në qytet.

“Rruga “Xhefer Deva”, është një rrugë shumë e rëndësishme sepse lidh edhe dy rrugët kryesore, rrugën “Kadri Zeka” dhe rrugën “Astrit Bytyqi”, një rrugë që është e gjatë mbi 350 metra dhe që pa pasur nevojë për shpronësime, ne kemi arrit mesataren pesë metra e gjysmë ta kemi në tërë sipërfaqen e kësaj rruge, e cila buxhetit të komunës së Ferizajt i ka kushtuar 35 mijë euro, dhe mendoj se po bëjmë gjithçka që është e mundur që asfaltimet për rregullimin e infrastrukturës rrugore, tanimë mos te kenë të ndalur në Komunën e Ferizajt. Unë jam shumë i sigurt që kjo ka qenë një pritje shumë e gjate e këtyre banorëve por shpeshherë pritjet e gjata shpaguhen, për shkak të aplikimeve të standardeve dhe kualiteteve që po zbatojmë në realizmin e këtyre projekteve”, është shprehur kryetari Svarqa.

Nga ana tjetër Emine Berisha, banorë e kësaj lagjeje tha se asfaltimin e rrugës së tyre e kanë pritur me vite të tëra.

“Ka 30 vite që presim asfaltimin e rrugës sonë. Kjo rrugë ka qenë në gjendje të mjerueshme, ndërsa ne sot falënderojmë Komunën dhe kryetarin që po bëjnë rregullimin e rrugës sonë”, ka thënë Berisha.

U bë e ditur se gjatë këtij viti në Komunën e Ferizajt do të kryhen rreth 96 projekte infrastrukturore, ndërsa gjatë ditëve në vijim do të ketë edhe asfaltime të rrugëve të tjera në qytet por edhe në fshatrat e Komunës së Ferizajt.

13913905_1225094160858738_1944036838044847860_o 13920435_1225094127525408_5243631272108421919_o 13923426_1225094130858741_1213773529560469971_o 13723909_1225094080858746_3857142158114697680_o 13937784_1225094077525413_6471236352350565069_o

- Advertisement -spot_img
Të fundit

Sekuestrohen rreth 20 mijë euro mall i dyshuar si kontrabandë

Janë sekuestruar mallra me vlerë rreth 20 mijë euro brenda një automjeti, nga Njësia e TASK FORC-ës -Lindje, e...

More Articles Like This

- Advertisement -spot_img