Grabitja ka ndodhur në një market i cili gjendet në lagjen Qëndresa në Prishtinë, ku dy persona të dyshuar nën kërcënimin e armës të cilët edhe kanë shtënë me armë, pa shkaktuar lëndime në njerëz, kanë arritë të marrin një sasi të parave dhe janë larguar nga vendi i ngjarjes.
Menjëherë pas marrjes së këtij informacioni specialist për hetimin e krimit, në koordinim me stacionet policore të DRP- Prishtinë, me një intensitet të shtuar kanë filluar ndërmarrjen e një varg veprimesh operative dhe hetimore, të cilat kanë rezultuar me identifikim dhe arrestimin e dy personave të dyshuar, njërit prej të cilëve i është gjetur dhe konfiskuar një armë (Ecol Special), si dhe një sasi e parave (dyshohet të grabitura).
Personat e dyshuar janë, E.G mashkull, 16 vjeç, shtetas i Kosovës dhe L.S mashkull, 16 vjeç, gjithashtu shtetas i Kosovës.
Pas përfundimit të procedurave policore, janë dërguar në Gjykatën kompetente. /Lajmi.net/
