Ambasada e SHBA-ve në Tiranë ka njoftuar këtë të martë datën se kur do të bëhen publike përgjigjet e Lotarisë Amerikane, për të gjithë ata shtetas shqiptarë që kanë mundur të fitojnë ose jo.
Të gjithë aplikantët do të mund të kontrollojnë nëse janë përzgjedhur apo jo më datë 7 maj.
“Duke filluar nga 7 maji 2019, për të parë nëse janë përzgjedhur, të regjistruarit e DV-2020 do të mund të përdorin numrin e tyre unik të konfirmimit të dhënë në regjistrim duke kontrolluar online Kontrollin e Statusit të të Regjistruarve në faqen zyrtare të E-DV-së.
Kontrolli i Statusit të të Regjistruarve do të informojë pjesëmarrësit e përzgjedhur se si të aplikojnë për vizën e Lotarisë për veten e tyre dhe anëtarët e familjes së tyre. Të përzgjedhurit do të mund të mësojnë datën e tyre të intervistës për vizë duke hyrë tek Kontrolli i Statusit të të Regjistruarve”-thuhet në njoftimin e ambasadës.
Faqja mbetet dvlottery.state.gov dhe i vetmi informacion i nevojshëm mbetet kodi personal.
