Një aksident trafiku ka ndodhur ku ka mbetur njw person i lwnduar në rrugën “12 Qershori” në Ferizaj.
Sipas zëdhënësit të policisë për rajonin e Ferizajt, Kanun Veseli, në aksident është përfshirë një automjet me targa vendore ndërsa janë shkaktuar dëme materiale në automjet, në një lokal, një shenjë të komunikacionit dhe një dru dekorativ.
Njësitë policore kanë dalë në vendin e ngjarjes dhe po merren me hetimin e rastit.
“Ju njoftojmë se sot, më datë 07.07.2025, rreth orës 14:45, në rrugën “12 Qershori” në Ferizaj (afër kryqëzimit me rrugën “Enver Topalli”) në Ferizaj ka ndodhur një aksident trafiku. Në këtë aksident është përfshirë një automjet me targa vendore. Si pasojë e aksidentit, përveç dëmeve materiale në automjet, janë shkaktuar dëme edhe në një lokal, një shenjë të komunikacionit dhe një dru dekorativ. Nga aksidenti një person ka pësuar lëndime trupore. Njësitë relevante policore kanë dalë në vendin e ngjarjes dhe po merren me trajtimin e rastit”, deklaroi Veseli
