Para pak çastesh në rrugën Ferizaj-Shtimë afër fshatit Lloshkobare ka ndodhur një aksident i rëndë komunikacioni me ç’rast 5 udhëtarë janë lënduar.
Sipas mjekës kujdestare në Emergjencën e QKMF-së në Ferizaj dy udhëtarë kanë lëndim më të rënda dhe pas ndihmës së parë në Emergjencën e Spitalit të Ferizajt janë transportuar për në QKUK në Prishtinë për trajtim të mëtutjeshëm.
Ndërsa tre udhëtarët tjerë kanë lëndime më të lehta dhe po trajtohen në qendrën emergjente të Spitalit të Ferizajt.
Policia e trafikut gjendet në vendin e ngjarjes dhe po merret me rastin.
