Një aksident ka ndodhur në autostradën “Arbën Xhaferi” në hyrjen në fshatin Bibaj të Ferizajt ku një kamion është rrotulluar dhe një person ka vdekur.
Policia e Kosovës tregon se aksidenti ka ndodhur në ora 09:45 dhe se në vendngjarje kanë dalur edhe zjarrfikësit dhe ndihma e shpejtë.
Rasti dyshohet të jetë vetaksident, ku si pasojë kamioni është rrotulluar.
Raporti i plotë i Policisë:
“Në ora 09:45 policia është njoftuar për një aksident trafiku në autostradën ‘Arbër Xhaferi’ (hyrja në Bibaj). Në aksident është përfshirë një automjet (kamion) i cili është rrotulluar. Në vendngjarje, pos policisë kanë dalë edhe zjarrfikësit, ndihma e shpejtë e ekipe tjera. Si pasojë e aksidentit, sipas ekipit emergjent mjekësor, një person është pa shenja jete”.
