Një aksident tragjik trafiku ka ndodhur sot në mesditë në fshatin Mirosal, lagjja Cakaj të komunës së Ferizajt, ku një 65-vjeçar ka humbur jetën si pasojë e një vetaksidenti.
Nga polocia bëjnë të ditu se rreth orës 12:15, automjeti i tipit Golf, me drejtues Selim Bytyqi, 65 vjeçar, ishte duke lëvizur nga fshati Pojat në drejtim të Mirosalit, kur shoferi humbi kontrollin mbi mjetin dhe doli jashtë rrugës.
Automjeti u përplas në një shtyllë betoni të rrjetit elektrik, ku përplasja fatkeqe rezultoi fatale për vozitësin.
Në vendin e ngjarjes intervenuan njësitë relevante të Policisë dhe emergjenca, ndërsa mjeku kujdestar konstatoi vdekjen e vozitësit në vend.
Sipas deklarimeve të familjarëve, viktima kishte qenë duke u trajtuar për probleme me zemër, dhe ekziston dyshimi se një komplikim shëndetësor mund të ketë shkaktuar aksidentin fatal.
Me urdhër të prokurorit të shtetit, trupi i pajetë i është dorëzuar familjes për ceremonitë mortore.
Policia ka iniciuar rastin si “Aksident trafiku me fatalitet”, dhe po hetohen të gjitha rrethanat që çuan në këtë humbje tragjike.
