Ferizaj.16.10.2017. Kandidati për Kryetar të Komunës së Ferizajt, Agim Aliu, sot ka vizituar dy biznese që operojnë suksesshëm në komunën tonë.
Ai gjatë vizitës në punëtorinë e prodhimit të tekstilit “Dardani” dhe në fabrikën e konstruksioneve metalike “Exim Metal”, u shpreh se “bizneset e tilla janë shembull se si me punë e përkushtim, mund të zhvillohet dhe fuqizohet një biznes familjar, me impakt direkt në ekonominë lokale. Forca e ndryshimit do të shtrihet edhe tek këto biznese, për të mundësuar një operim të suksesshëm dhe me lehtësira nga Komuna e Ferizajt. Ne do të subvencionojmë aktivitetin biznesor në komunën tonë, me qëllim krijimin e vendeve të reja të punës – theksoi kandidati Aliu.
