Kandidati për Kryetar të Komunës së Ferizajt, z. Agim Aliu, në një shpalosje të programit zgjedhor para gazetarëve, ka theksuar iniciativën e tij dhe të ekipit të tij që në mandatin e ardhshëm qeverisës, sporti të jetë prioritet real i qeverisjes lokale.
“Ne, kemi obligim ndaj qytetit dhe qytetarëve që t’a fuqizojmë sportin në nivel lokal. Ferizaj ka patur dikur lavdinë e zhvillimit të sportit. Ne, për t’a fuqizuar sportin, në mandatin e ardhshëm qeverisës, do t’a krijojmë “Fondin për Sportin”, bazuar në ligjin për sponsorizime, në bashkëpunim me bizneset lokale, do të zyrtarizojmë Tifozerinë “Ujqit” si një aset mjaft i rëndësishëm sportiv, do t’a ndërtojmë stadiumin e ri me kapacitet prej 20,000 ulëseve, si dhe do të themelojmë ligën shkollore të sporteve. Pa investime për sportin nuk do të mbeten as fshatrat e komunës sonë, në të cilat synojmë të ndërtojmë hapësira të veçanta rekreativo- sportive, aty ku ato mungojnë, për të kultivuar traditën tonë sportive dhe jetën e shëndetshme, – theksoi kandidati Aliu.
