Kryetari i Lidhjes Demokratike të Kosovës, Isa Mustafa ka goditur nga Shtimja, partinë e koalicionit, PDK’në. Mustafa nga atje ka thënë se partisë së Kadri Veselit po i vjenë fundi i qeverisjes në këtë komunë.
“Duke parë potencialet dhe entuziazmin qytetarë, është mëse e qartë se LDK është e gatshme ta marr përgjegjësinë në Komunën e Shtimes dhe në komunat tjera të Kosovës”, ka shkruar Mustafa në Facebook.
Ai më tutje ka thënë se prania e madhe e qytetarëve të Shtimes në përvjetorin e LDK, tregon se kjo parti është shpresa reale e tyre.
“Prania e madhe e qytetarëve në manifestimin e mbajtur në Shtime me rastin e 27 vjetorit të LDK-së, na konfirmoi se LDK-ja është shpresa reale e qytetarëve për shtet ligjor, zhvillim ekonomik dhe qeverisje të mirë në të gjitha nivelet”, ka bërë me dije Mustafa.
