Ferizaj.19.12.2016. Me hyrjen në fuqi të ligjit të ri dhe dënimeve të cilat në fillim u konsideruan si shumë të larta pritej edhe efekti i tij dhe zvogëlimi i aksidenteve.
Por si duket kjo shumë pak po ndikon tek vozitësit, ku për pasojë e mos zbatimit të rregullave të komunikacionit dhe përshtatjes së shpejtësisë numri i aksidenteve gati se është i njëjtë sikur para hyrjes në fuqi të këtij ligji.
Si rezultat i mospërshtatjes së shpejtësisë kushteve të rrugës dhe rregullave të trafikut makinat po “fluturojnë” nga rruga.
Një rast i tillë ndodhi edhe në rrugën “Driton Islami” kur një makinë “fluturon” nga rruga dhe dëmton lokale dhe pjesë të ndërtesave.
Në foto shihen dëmet që ka shkaktuar një makinë, për të cilën nuk bëhet e dituar se a ka pasur të lënduar por shihen dëmet që u ka shkaktuar ndërtesave skaj rrugës.
