Vokali i këngëtares Dafina Zeqiri, që nga nisja e karrierës së saj, ishte vlerësuar mjaft, e këtë e dëshmonte edhe me prezencë kudo ku këndohej live.
Se posedon një potencial të tillë, Dafina si duket është e vetëdijshme, e kjo e shtyri që të shpërngulet në Amerikë, aty ku tendenca e saj është depërtojë ndërkombëtarisht.
Të flitet për jetën e saj private, këngëtarja, njihet për lidhje e ndarje, ribashkime, e skandale aty-këtu, të cilat për një kohë e mbajtën ‘in’ në rubrikat rozë, shkruan Kosovarja. Derisa, së fundi, konfirmon se ka gjetur rehatinë pranë të dashurit me origjinë nga Republika Domenikane, duke lënë pas të gjitha historitë e të kaluarës të cilat ishin të njohura për audiencën e gjerë.
Hiperaktive, në rrjete sociale, Dafina publikon imazhe nga më të ndryshmet, derisa i fundit lë hapësirë për dyshime, nëse është në pritjen e ëmbël apo thjeshtë forma e pozimit e bën të duket e tillë.
Madje, edhe fytyra e saj më e shëndoshur e paksa më e transformuar, të jep po të njëjtën përshtypje. Dyshime si këto, natyrisht kërkojnë një konfirmim apo mohim, derisa të njëjtën gjë, pritet t’a bëjë edhe Dafina.
