Kryetari i Ferizajt Agim Aliu, ka pritur në takim të ngarkuarin me punë pranë Ambasadës së Republikës së Japonisë në Kosovë, Keisuke Yamanaka.
Kryetari Aliu ka informuar diplomatin japonez Yamanaka për mundësitë që ofron Ferizaj, bashkëpunimet e mundshme të së ardhmes në fushën e industrisë, turizmit, zhvillimit ekonomik dhe politika ambientale
“I nderuar të mirëprisja në zyrën time sot, të ngarkuarin me punë në Ambasadën e Japonisë në Republikën e Kosovës, Shkëlqesinë e Tij, diplomatin Keisuke Yamanaka, me të cilin bashkëbiseduam për mundësitë që ofron Ferizaj, bashkëpunimet e mundshme të së ardhmes në fushën e industrisë, turizmit, zhvillimit ekonomik dhe politika ambientale, natyrisht duke e falënderuar edhe për mbështetjen e deritanishme të Qeverisë Japoneze, në kuadër të fondeve e programeve për komunat. Bashkë me diplomatin Yamanaka, shëtitëm sheshin e qytetit, me ç’rast e njoha me historinë e zhvillimit të Ferizajt” ka shkruar kryetari Aliu.
