Mbështetja për bujqit e fermerët ferizajas po vijon nga ana e Drejtorisë së Bujqësisë dhe Pylltarisë. Pasditen e sotme, drejtori i Drejtorisë, Burim Bajrami me stafin e tij, bën shpërndarjen e një kontigjenti të fidaneve të arrës bashkë me sistemin e ujitjes pikë-pikë, përfitues të së cilës janë 20 fermerë.
Nga këta përfitues, secili do të mbjellë nga 0.50 ha me fidane të arrës duke i shtuar edhe sistemin e ujitjes për 10 hektarë.
Drejtori i Bujqësisë dhe Pylltarisë, Burim Bajrami tha se kjo mbështetje do të vijoj për të fuqizuar këtë sektor, që përveç rritjes së mirëqenies së kultivuesve, rrit dhe zhvillon edhe bujqësinë si tërësi.
