Se Komuna e Ferizajt ka investuar vazhdueshëm në ngritjen e nivelit të higjienës dhe renovimin e nyjeve të ndryshme shkollore, këtë e dëshmojnë edhe raportet monitoruese nga Inspektorati Sanitar i Kosovës.
Shembull konkret, është Gjimnazi “Kuvendi i Arbërit” që sot u vizituan nga inspektorët e Inspektoratit Sanitar të Kosovës në kuadër të Agjencisë Qeveritare të Ushqimit dhe Veterinës.
Nga inspektimi i kryer, del se kjo shkollë plotëson të gjitha masat anti-covid, duke pasur mjaftueshëm materiale higjienike, shampo, dezinfektues dhe të tjera masa të përcaktuara me vendimin e Qeverisë së Republikës së Kosovës.
Vargut të këtyre shkollave i bashkohen edhe shkollat tjera të Ferizajt, të cilat në baza të rregullta inspektohen nga Inspektorati i nivelit qendror, duke rezultuar me përmbushjen e kushteve higjieno-sanitare.
