Gjatë vikendit të ardhshëm, më 24 dhe 25 Korrik, në aksin rrugorë Brezovicë-Prevallë do të mbahen garat automobilistike në kuadër të Kampionatit të Republikës së Kosovës për vitin 2021.
Këto gara do të mbahen me lejen e Ministrisë së Mjedisit, Planifikimit Hapësinor dhe Infrastrukturës, me kërkesë të Federatës së Auto Sporteve të Kosovës.
Lajmin e ka bërë të ditur Arbër Rexhepi, kryetar i Auto Klubit Ferizaj.
Rexhepi përmes këtij njoftimi ka lutur të gjithë ata që këtë vikend kanë planifikuar të vizitojnë këto pjesë turistike të kenë parasysh që kjo rrugë do të jetë e bllokuar nga ora 10:00 deri ora 18:00. Prandaj për të gjithë ata që këtë rrugë kanë planifikuar ta shfrytëzojnë për vikend t’i ikin kësaj kohe ose të gjejnë rrugë alternative, një pjesë e rrugës R115, segmenti Brezovicë-Prevallë këto dy ditë do të jetë I bllokuar nga ora 10:00 deri ora 18:00
