Pas të reshurave të fundit dhe vërshimeve në komunën e Ferizajt, kryetari Agim Aliu ka thënë se situata është plotësisht e menazhueshme.
Ky është postimi i plotë i kryetari Aliu
“Jam vazhdueshëm në terren dhe në kontakt me ekipet emergjente që parreshtur po bëjnë përpjekje ta sanojnë gjendjen aty ku paraqitet më e vështirë.” ka thënë Aliu.
Të dashur qytetarë!
Bllokimet e pakta të rrugëve dhe nënkalimeve apo dëmet e shkaktuara nga vërshimet në amviseri apo biznese, kryesisht në bodrume, nuk kanë të bëjnë me mungesë cilësie në punime, porse janë shkaktuar nga faktori njeri, veprime të papërgjegjshme për mbylljen e kanalizimit, për të cilën vazhdueshëm kemi bërë e po bëjmë hapjen e tyre.
Situata në Ferizaj është plotësisht e menaxhueshme. Jam vazhdueshëm në terren dhe në kontakt me ekipet emergjente që parreshtur po bëjnë përpjekje ta sanojnë gjendjen aty ku paraqitet më e vështirë.
Reshjet e mëdha e të pandërprera të shiut si në gjithë Kosovën, kanë shkaktuar vërshime edhe në Ferizaj, ndonëse territori ynë është me më së paku dëme e bllokime rrugësh, kjo për faktin se me kohë janë bërë punë cilësore në projekte infrastrukturore ku vlen të përmendet se vetëm gjatë viteve 2019 dhe 2020 është bërë hapja e afro 150 kilometrave kanal ujor për të parandualuar vërshimet.
Kjo është fatkeqësi natyrore dhe autoritetet lokale po bëjnë më të mirën, për t’iu gjendur pranë banorëve në lokalitete të ndryshme.
