Pas tragjedisë së sotme në punishten e projektit” Bashkimi i Qytetit”, ku një punëtor humbi jetën si pasojë e aksidentit në punë, kryetari i Ferizajt, Agim Aliu i shprehu ngushëllime familjes së të ndjerit N.V. nga rrethi i Kaçanikut.
Në këtë letër thuhet:
“Vdekja tragjike e punëtorit N.V. i punësuar në njërën nga kompanitë e kontraktuara në projektin “Bashkimi i Qytetit”, pas lëndimit të marrë në vendin e punës, na tronditi të gjithëve.Pikëlluese e jashtëzakonisht të rënda, janë vdekjet nga lëndimet në punë, dhembje të cilën e ndajmë bashkë me familjen. Ngushëllime të sinqerta familjes të të ndjerit, kolegëve dhe të gjithë të njohurve të tij.”
