Paraditen e sotme, i pari i Ferizajt, Agim Aliu bashkë me drejtorin e Drejtorisë së Infrastrukturës, Arbër Bytyqi pritën në takim, z. Admir Shala – përfaqësues i Fondit Kosovar për Efiçiencë të Energjisë, me ç’rast u nënshkruan marrëveshjet e bashkëpunimit për integrimin e Pallatit të Sporteve dhe rregullimin e ndriçimit publik në disa nga rrugët e qytetit, në kuadër të programit të efiçiencës së energjisë.
Falënderues për këtë mbështetje u shpreh kreu i Komunës, për të cilat marrëveshje por edhe ato të mëparshmet tha se janë hapa të rëndësishëm në kuadër të programit lokal për efiçiencën e energjisë, për çka vitin e ardhshëm do të aplikohet edhe në disa projekte të tjera, që ndërtesa të ndryshme publike, institucionale të përfshihen në kuadër të këtij programi.
