Qendra Kryesore e Mjekësisë Familjare sot u furnizua me një autotransportues që do të shfrytëzohet për përmbushjen e detyrave të shërbimi teknik.
Për shkak të numrit të madh të objekteve të QKMF-së, të shpërndara brenda qytetit, por edhe në disa fshatra, nevoja për një makinë transportuese të tillë është shfaqur më herët.
Aktualisht, gjatë kësaj periudhe të pandemisë, ishte e domosdoshme bartja e shtretërve, materialit shpenzues dhe pajisjeve të tjera, qëllim ky që tani e tutje do të përmbushet me anë të autotransportuesit.
