Në këtë situatë të rënduar të pandemisë COVID-19, përkundër angazhimeve të shumta të stafit mjekësor, nuk janë lënë mënjanë pa shërbime mjekësore edhe personat me prapambetje mendore të Shtëpisë Integruese në Komunitet, si kategori e rrezikuar nga infeksioni.
Sot, Drejtori i DSHMS-së, z. Bekim Ademi së bashku me drejtoreshën e QKMF-së, dr.Nadire Ymeri dhe Kryeshefin e DMF-së, dr.Albert Sherifin, vizituan këtë qendër, ndërsa ekipi mjekësor u ofroi vizita mjekësore banorëve të kësaj qendre, të cilëve sipas indikacioneve do t’u bëhen edhe analizat laboratorike.
Gjithashtu, për personelin u dhanë udhëzime që të zbatohen rekomandimet e IKSHPK-së dhe masat mbrojtëse nga infeksioni, ashtu siç zbatohen te tërë popullata.
