Në kuadër të projektit “Fuqizimi i të rinjve dhe grave drejt punësimit në rajonin e Ferizajt dhe Mitrovicës” i mbështetur nga zyra e Bashkimit Evropian në Prishtinë dhe Caritas France, Caritas Kosova ka shpërndarë 5 grante në Ferizaj dhe 6 grante në Mitrovicën e Jugut dhe Mitrovicën e Veriut për bizneset ekzistuese dhe të reja.
Përfituesit e granteve janë përzgjedhur pas një procesi të gjatë trajnimi në: menaxhim biznesi, marketing, menaxhim financiar dhe hartim të planit të biznesit.
Shpresojmë që përmes këtyre granteve të lehtësojmë punën e përfituesve përkundër pandemisë e cila ka ndikuar në masë të madhe tërë ekonominë. Caritas Kosova është gjithnjë e angazhuar që të mbështes fushën e punësueshmërisë si një nga aspektet kryesore edhe për përfshirjen sociale të komuniteteve të disavantazhuara.
