Updated: July 13, 2020

Ferizaj: Po trajtohen profesionalisht qindra qen endacak. Vitin e ardhshëm kjo kompetencë i kalon Komunës

July 13, 2020

2042

Must Read

Trajtimi i qenve endacak po bëhet në vijimësi në Ferizaj. Është qendra e trajtimit profesional të qenve endacak që po strehon dhe ofron trajtimin e tyre. Për këtë, sot i pari i Drejtorisë së Bujqësisë dhe Pylltarisë, Burim Bajrami vizitoi këtë qendër. Aty u bë e ditur se ekipet profesionale të kujdesit, po trajtojnë qentë endacak, duke bërë kastrimin, sterilizimin, vaksinimin dhe dehelmitizimin e tyre.

Ndonëse kjo kompetencë aktualisht është në Agjencionin e Ushqimit dhe Veterinës, nga viti i ardhshëm trajtimin e qenve endacak do ta bëj niveli lokal, në këtë rast edhe Komuna e Ferizajt. Drejtori Bajrami tha se ky proces është i rëndësishëm jo vetëm për shëndetin e sigurinë e qytetarëve por edhe kujdesin ndaj shëndetit të qenve, trajtimin profesional të së cilës po e bën kjo qendër.

U bë e ditur se qindra qen endacak po trajtohen vazhdimisht përmes kësaj qendre.