Finalizimi i infrastrukturës rrugore në pjesën urbane është tashmë synim që po jetësohet nga qeverisja lokale përmes projekteve të ndryshme kapitale. Në vazhdën e punimeve, sot u asfaltuan edhe rrugët “Hajdin Matoshi” e “At Nik Prela” afër qendrës së qytetit. Për të inspektuar punimet, në terren doli Kryetari i Komunës, Agim Aliu dhe drejtori i Infrastrukturës, Arbër Bytyqi.
Kjo rrugë që ka një gjatësi prej 250 metrash u finalizua sot, ndërsa në kuadër të projekteve infrastrukturore në qendër të qytetit, u asfaltua edhe rruga “At Nik Prela”, arterie kjo e rëndësishme e qarkullimit rrugor në zonën qendër.
