Kryetari i Ferizajt Agim Aliu sot ka falënderuar policinë e Kosovës të cilët në këto ditë të pandemisë po punojnë edhe me orare të zgjatura për të garantuar sigurinë e qytetarëve.
Aliu, Policinë e Kosovës e ka radhitur së bashku me mantelbardhët, zjarrfikësit dhe dhe ekipet e pastrimit, të cilat janë të vetmit që këto ditë po kujdesen për të siguruar dhe ndihmuar qytetarët.
F A L E M I N D E R I T !
Kur të gjithë qëndrojnë në shtëpi, janë oficerët e Policisë që zbardhin mëngjese për të ruajtur e mbrojtur shëndetin e pasurinë tonë. E tash kur po kërcënohet fshehtazi virusi më i rrezikshëm i shekullit janë pikërisht ata, që në të ftohtë e ditë të ngrohta si sot, garantojnë rendin e sigurinë.
Uniforma blu është në mesin e të bardhës së mjekëve, të gjelbrës së pastrimit të kuqes së zjarrfikjes e çdo shërbyesi tjetër në lartësi të detyrës këto ditë të cilët meritojnë duartrokitjen tonë e mirënjohjen e gjithmonë!” ka thënë Aliu.
