Punëtorët e marketeve dhe të barnatoreve janë ndër të paktët që nuk kanë ndaluar punën pavarësisht rrezikut të shfaqur nga koronavirusi.
Për t’u shërbyer qytetarëve, këta punëtorë janë vazhdimisht në gatishmëri e sipër.
Por Albert Krasniqi ka propozuar që punëtorët e marketeve dhe barnatoreve duhet të testohen për COVID-19, transmeton Indeksonline.
Ai tha se përveç se janë në rrezik, mund të shpërndajnë virusin edhe tek personat e tjerë.
“Punëtoret e maketeve dhe barnatoreve duhet të testohen për COVID-19. Përveç se janë vet në rrezik, mund të shpërndajnë virusin edhe tek personat e tjerë. Kështu e mbrojmë shëndetin e atyre të cilëve po shërbejnë këto ditë edhe zvogëlojmë mundësinë e shpërndarjes së virusit”, tha Krasniqi i cili monitorin punën e Kuvendit dhe zhvillimet politike në vend.
Në Kosovë numri i të infektuarve me COVID-19 deri më tani është 20 , disa prej tyre në Klinikën Infektive në QKUK e disa tashmë të liruar në vetëkarantinim.
