Qysh në orët e hershme të mëngjesit të sotëm, 6 ekipe të Inspektoratit të Komunës kanë dal në terren. Arsye e këtij aksioni është monitorimi i zbatimit të vendimit të mbrëmshëm të Qeverisë së Republikës së Kosovës që urdhëron mbylljen e të gjitha bizneseve përjashtimisht ushqimoreve dhe farmacive.
Nga terreni dhe denoncimet e qytetarëve mund të konstatohet se përgjithësisht është zbatuar vendimi për mbyllje, përjashtimisht disa rasteve të cilave me procesverbal i është ndaluar ushtrimi i veprimtarisë e për të cilat Inspektorati i Komunës ka proceduar sipas ligjeve në fuqi.
Sot gjithashtu u kontrollua edhe vendimi i djeshëm i qeverisë lokale për mbylljen e tregjeve në Ferizaj ku u konstatua se është zbatuar plotësisht.
Inspektorati i Komunës apelon tek bizneset që të respektojnë këtë vendim, në të kundërtën do të ketë gjoba të larta për mosrespektuesit e këtij vendimi.
