Shfaqja “Derisa vdekja nuk na ndanë” me tekst të Nina Horvat dhe në regji të Fatos Berishës do të shfaqet premierë në fund të këtij muaji në Teatrin “Adriana Abdullahu” të Qytetit të Ferizajt.
Fatmir Hyseni, drejtor i Teatrit “Adriana” ka konfirmuar për Kallxo.com edhe datën e shfaqjes së premierës.
“Premiera e radhës ‘Derisa vdekja nuk na ndanë’ nga Nina Horvat, në regji të Fatos Berishës do të jetë më 26 dhjetor 2019”, ka thënë Hyseni.
Shfaqja në mënyrë metaforike pasqyron problemet që sot përballen shoqëritë globale dhe fatin e individit
Në shfaqje luajnë: Shpëtim Selamani, Vjosa Abazi, Nexhat Xhokli, Edona Berisha, Arben Marevci, Gresa Gashi, Blin Sylejmani, Valdrin Osmani, Donika Zeqiri.
